Aurtengoa proiektu eta ekitaldi zoragarriz betetako urtea izan da. Hurrengo lerroetan, Orkestraren 2025eko mugarri garrantzitsuenetako batzuk nabarmenduko ditugu. Guztiak dira gure erakunde laguntzaileekin eta aldaketa sustatzen duten beste eragile batzuekin egindako proiektuen emaitza.
Orkestrak nazioarteko konexioa aztertu du, industriaren bultzatzaile gisa, SPRI Taldearen laguntzarekin
Euskal Autonomia Erkidegoko lehiakortasuna eta ongizatea hobetzen laguntzea, ongizatea helburu duen lehiakortasunari buruzko nazioarteko jakintzaren mugetan aurrera eginez.
Ongizatea helburu duen lehiakortasunerako gure esparruaren bidez, Euskal Autonomia Erkidegoko egoeraren diagnostiko dinamikoa egiten dugu, erronkak identifikatu ahal izateko. Erronka konplexuak direnez, horiek lantzeko ezinbestekoa da lurraldeko eragile guztien arteko elkarlana eta konpromisoa: administrazio publikoa, enpresa, akademia eta herritarrak.
2025ean, 40 ikerketa proiektutan lan egin dugu, helburu hauek nola lortu aztertzeko:
Erregio eta hiri estrategia inklusiboak diseinatzea eta ezartzea.
Talentuaren erronkari aurre egiteko behar diren gaitasunak eta prestakuntza garatzea.
Euskal Autonomia Erkidegoa eta bertako enpresak nazioarteko erkidegoarekin konektatzea.
Gaur egungo ingurunea kontuan hartuta, klusterren eta balio kateen rola berraztertzea.
Enpresa txiki eta ertainen garapenerako estrategia berriak eta finantzaketa abian jartzea.
Energia merkatuen funtzionamendua aztertzea, gure lehiakortasunari nola eragiten dion ulertzeko.
Maila askotako elkarlaneko gobernantza sustatzea eta horri lotutako erronkei aurre egitea.
Trantsizio handiek ekartzen dizkiguten erronkak eta aukerak ulertzea: (1) energia eta ingurumen trantsizioa (2) demografia eta gizarte trantsizioa eta (3) trantsizio digital-teknologikoa.
Maila askotako elkarlaneko gobernantza
Maila askotako elkarlaneko gobernantza funtsezko elementua bihurtu da politika publikoen eraginkortasuna hobetzeko eta demokrazia indartzeko.
Hurbilketa horrek erakundeen, enpresen, bitarteko eragileen eta gizarte erakundeen arteko lankidetza sustatzen du, irtenbide partekatuak diseinatzeko eta ezartzeko.
Hala ere, gobernantza eredu berriak eraikitzea ez da erraza. Erakunde inertziak gainditzea, interes desberdinak dituzten eragileen artean konfiantza sortzea, eta elkarlanean lan egiteko gaitasun berriak garatzea eskatzen du.
Orkestra, ekintza-ikerketa erreferentziazko esparru gisa hartuta, lurraldeko hainbat erakunde eta eragileren bidelagun da prozesu horietan.
Elkarlaneko gobernantzako prozesuak diseinatzen eta errazten ditugu
Lurraldeko erakundeen eta eragileen bidelagun gara erronka partekatuak aztertzea eta erantzun kolektiboak eraikitzea ahalbidetzen duten lankidetza espazioak sortzeko.
Programak eta ekimenak aktibatzen laguntzen dugu, elkarlaneko gobernantzaren bidez
Elkarlaneko gobernantzako prozesuak ez dira soilik hausnarketarako guneak, erronka zehatzei erantzuten dieten programak eta ekimenak aktibatzeko aukera ere ematen digute.
Elkarlaneko gobernantzari buruzko jakintza sortzen dugu
Elkarlanean gehiago sakontzen duten gobernantza ereduetara aurrera egin ahala, prozesu horiek nola funtzionatzen duten eta ongizatea helburu duen lehiakortasunari zer ekarpen egiten dioten ikasten jarraitzen dugu.
2025ean, Orkestra hainbat erakunderen bidelagun izan da maila askotako elkarlaneko gobernantza sustatzea eta haren erronkei aurre egitea helburu zuten ikerketa proiektuetan:
1. Elkarlaneko gobernantzako prozesuak diseinatzen eta errazten ditugu
2025ean, Eusko Jaurlaritzak, Lehendakaritzaren bidez, elkarlaneko gobernantzarako bere hurbilketa definitzeko prozesu bat bultzatu zuen, lurraldeko hainbat eragilerekin batera, hiru logika osagarritatik: demokrazian sakontzea, komunitatea indartzea, eta ongizatea helburu duen lehiakortasuna sustatzea.
Hurbilketa horretatik abiatuta, elkarlaneko gobernantza ongizatea helburu duen lehiakortasunerako faktore gisa aztertzeko esparru bat garatzen lagundu dugu, Orkestraren ongizatea helburu duen lehiakortasun esparrua erreferentziatzat hartuta.
Lan horren helburua da ikuspegi kontzeptualetik esparru eragingarri baterantz aurrera egitea, elkarlaneko gobernantzako prozesuek lurralde lehiakortasuna eta ongizate inklusiboa eta jasangarria hobetzen noiz eta nola lagundu dezaketen ulertu ahal izateko.
2. Programak eta ekimenak aktibatzen laguntzen dugu, elkarlaneko gobernantzaren bidez
Proiektu horren esparruan, Orkestrak hausnarketa estrategikoko prozesu bat diseinatzen lagundu dio Eusko Jaurlaritzari, elkarlaneko gobernantzak lurralde lehiakortasunean duen zeregina aztertzeko.
Lan horretan, analisi kontzeptuala eta Euskal Autonomia Erkidegoko zenbait lurralde mailatako gobernantzako benetako esperientzietatik ateratako ikaskuntzak konbinatu dira.
Kasu horiek aztertuta, dinamikak, mekanismoak eta ikaskuntzak identifikatu ahal izan dira, erakundeen, enpresen eta beste eragile batzuen arteko elkarlanak lurraldearen garapen ekonomikoan nola laguntzen duten ikusteko.
3. Elkarlaneko gobernantzari buruzko jakintza sortzen dugu
Proiektuak elkarlaneko gobernantza ongizatea helburu duen lehiakortasunaren ikuspegitik aztertzeko esparru kontzeptual eta metodologiko bat garatzea ahalbidetu du. Esparru hori Orkestrako Koaderno batean jaso dugu, eta proiektu honen etorkizuneko lan ildoak bideratzeko balioko du.
Lankidetzazko gobernantza ongizaterako lehiakortasun-faktore gisa
1. Elkarlaneko gobernantzako prozesuak diseinatzen eta errazten ditugu
2009az geroztik, Gipuzkoako Foru Aldundiarekin eta eskualdeko garapen agentziekin lankidetzan ari gara, ekintza-ikerketan oinarritutako lurralde garapenerako elkarlaneko gobernantza eredu bat eraikitzeko. Orkestrak erraztutako Lurralde Garapeneko Laborategiaren bidez, elkarlanerako espazioak finkatu dira, horien artean, Eskualde arteko Mahaia. Mahai horretan, garapen agentzietako eta Foru Aldundiko ordezkariek lurraldearen erronkak aztertu eta enpresa txiki eta ertainei zuzendutako programak koordinatzen dituzte.
Ibilbide horri esker, Gipuzkoak gobernu mailen artean finkatutako lankidetza eredu bat du gaur egun, eta horri esker, ekonomiaren garapenerako politikak lurraldearen beharretara egokitu daitezke.
Gipuzkoako Foru Aldundiak eta tokiko agentziek lankidetza indartu dute, Lurralde Garapenerako Ekintza-Ikerketaren bidez
2. Programak eta ekimenak aktibatzen laguntzen dugu, elkarlaneko gobernantzaren bidez
Gipuzkoan eraikitako elkarlaneko gobernantza ereduari esker, lurraldeko ekonomia sustatzeko politika publikoak Gipuzkoako enpresa txiki eta ertainetara iristea bermatzera bideratutako hainbat ekimen bultzatu dira.
ETE Digitala
ETEak digitalizatzeko bide orri bat.
Lanaren Zentzua
Ekimen bat, enpresei lanaren zentzuaz eta haren eraginaz hausnartzen laguntzeko.
BETEK
Enpresa txiki eta ertainetan berrikuntza teknologikoa bultzatzetzeko egitasmoa.
Barnekintzailetza
Barne ekintzailetza sustatzera bideratutako ekimena.
3. Elkarlaneko gobernantzari buruzko jakintza sortzen dugu
Gipuzkoan metatutako esperientziak ikaskuntza oso garrantzitsuak sortu ditu epe luzeko elkarlaneko gobernantza ereduak eraikitzeko eta mantentzeko moduari buruz.
Jakintza horrek lurralde garapenerako ekintza-ikerketari buruzko hainbat argitalpen akademiko ekarri ditu; erakundeen eta lurraldeko eragileen arteko elkarlaneko prozesuak errazteko gida metodologikoak; eta eskualde garapenerako gobernantzari buruzko nazioarteko eztabaidetarako ekarpenak.
1. Elkarlaneko gobernantzako prozesuak diseinatzen eta errazten ditugu
2022az geroztik, Bizkaiko Foru Aldundiaren ikerketa partnerra gara “Bizkaia with the talent” egitasmoan. Ekosistema horrek, elkarlaneko gobernantza eredu batean oinarrituta, lurraldeko hainbat eragile mugiarazi nahi ditu, STEM talentuaren eskasiari erantzun bat emateko.
Orkestrako lantaldeak talentuaren ekosistema horren diseinuan eta martxan jartzean parte hartu zuen, Bizkaiko STEM prestakuntza eskaintzari buruzko analisiak eginez eta enpresen, unibertsitateen, klusterren eta Lanbide Heziketako ikastetxeen elkarteen arteko koordinazioa erraztuz.
Orkestrak Bizkaiko STEM talentua sustatzeko “Bizkaia with the Talent” ekosistema eraikitzeko gakoak argitaratu ditu
2. Programak eta ekimenak aktibatzen laguntzen dugu, elkarlaneko gobernantzaren bidez
Gaur egun, esparru publiko eta pribatuko 43 erakunde elkarlanean ari dira Bizkaian STEM talentua sortzeko, erakartzeko, garatzeko eta atxikitzeko hainbat ekimenetan.
2025ean, gure rola ekimenaren aurrerapenak monitorizatzea eta hura osatzen duten 20 proiektuen emaitzak sistematizatzeko adierazle sistema bat diseinatzea izan da.
“Bizkaia with the talentek” 200 enpresa prestatu ditu talentuan, 700 pertsona digitalizazioan eta 90 STEM profesional erakarri ditu
3. Elkarlaneko gobernantzari buruzko jakintza sortzen dugu
“Bizkaia with the Talent” ekosistema abian jartzeak ikaskuntza garrantzitsuak sortu ditu, bai gaitasunen ekosistema bat eraikitzeko funtsezko elementuei dagokienez, bai ekosistema horrek denboran iraungo duela bermatzeko erronkei dagokienez. Horien artean, nabarmentzekoa da elkarlaneko gobernantza eredu bat garatzearen beharra, ekosistemari atxikitako eragileen ekimena errazteko eta identifikatutako erronketan eragina izango duten proiektuak elkarrekin sortzea sustatzeko.
Bizkaiko STEM talentua sustatzeko “Bizkaia with the Talent” izeneko ekosistema eraikitzeko gakoak
1. Elkarlaneko gobernantzako prozesuak diseinatzen eta errazten ditugu
Bilbao Next Lab Orkestrak, Bilboko Udalarekin eta Bilbao Ekintzarekin batera, 2013az geroztik bultzatzen duen hiri lehiakortasuneko politiken laborategia da, ikuspegi deliberatiboa, eragile askotakoa eta politika publikoen diseinuan adostasuna bilatzean oinarritutakoa sustatzeko. 2023az geroztik, proiektua zerbitzu aurreratuetako elkarlaneko gobernantza eredu baten diseinuan eta ebaluazioan oinarritzen da, jakintza praktikoa sortzen duten eta Udalaren gaitasun teknikoak eta politikoak sendotzen dituzten ekintza-ikerketako prozesuak erraztuz.
Bilbao Next Lab, Bilboko hiri lehiakortasuneko politiken laborategiak 10 urte
2. Programak eta ekimenak aktibatzen laguntzen dugu, elkarlaneko gobernantzaren bidez
2025eko ekainean, Bilboko Udalak ‘Bilbo Zerbitzu Aurreratuak’ foroa aurkeztu zuen, Orkestrarekin batera sustatutako elkarlaneko gobernantzako espazio berri bat, hiriaren apustu estrategikoetako bati aurre egiteko: zerbitzu aurreratuak.
Bilbao Ekintzak errazten duen espazio horri esker, 50 eragile publikok eta pribatuk funtsezko lau gunetan lan egiten dute, zerbitzu aurreratuen lehiakortasuna indartzeko.
Bilbok elkarlaneko gobernantzaren aldeko apustua egin du, zerbitzu aurreratuen lehiakortasuna indartzeko
3. Elkarlaneko gobernantzari buruzko jakintza sortzen dugu
Bilbao Next Lab ikasteko espazio oso baliotsua bihurtu da, eta Bilbo nazioarteko erreferente gisa kokatu du elkarlanean eta jakintza partekatuan oinarritutako hiri lehiakortasuneko politiketan.
Hiri lehiakortasunerako elkarlaneko gobernantza | Bilbao Next Lab-en ikaskuntzak
Metodo zientifikoak erabiltzen ditugu arazo errealak lantzeko. Aldi berean, komunitate akademikoari ekarpena egiten diogu, gure ikerketaren bidez. Sortzen dugun jakintza Euskal Autonomia Erkidegoaren lehiakortasuna sendotzen lan egiten duten eragile garrantzitsuenentzat baliagarria izatea nahi dugu.
Ane Izulainek bere doktore-tesia defendatu du, Euskadiko ongizatera bideratutako lehiakortasunaren ikuspegi partekatua eraikitzeko balio sozialek duten zereginari buruz
Gainera, hainbat behatoki ditugu, Euskal Autonomia Erkidegoaren lehiakortasunaren egoeran sakontzeko eta egoera horren jarraipena egiteko.
Eskualdeko Lehiakortasunaren Behatokia
Europako eskualdeen egoera eta bilakaera alderatzen ditu, funtsezko 40 adierazlez baliatuz. Era berean, Euskal Autonomia erkidegoaren kokapena zein den erakusten du.
Orkestran egunero lan egiten dugu Euskal Autonomia Erkidegoko lehiakortasunaren eta ongizatearen erronketan zuzeneko eragina izan dezaketen eragileekin. Erreferentziazko erakunde hauen egiturazko laguntza dugu; erakunde horiek Institutuari egonkortasuna ematen diote eta haren garapenean laguntzen dute:
Gainera, mundu mailako adituen sare zabalarekin lan egiten dugu. Hitzaldi, foro eta topaketetan parte hartzen dugu bi helbururekin: Euskal Autonomia Erkidegoko lehiakortasunaren eta ongizatearen ereduari dagokion balioa ematea eta beste tokietako jardunbiderik onenak identifikatzea, geure lurraldera ekartzeko.
Klikatu gure kolaborazio berriei buruzko informazio gehiago ikusteko
Iñigo de Loyola ekimenaren aurkezpena International Association of Jesuit Business Schools (IAJBS) erakundeak urtero egiten duen topaketan
Programa honek Gipuzkoako Foru Aldundiaren, eskualdeko garapen agentzien, Innobasqueren eta Orkestraren arteko elkarlana du oinarri. Elkarlaneko gobernantza horri esker, 2021az geroztik, 250 enpresa txiki eta ertain baino gehiagok laguntza jaso dute digitalizaziorako bide orria diseinatzeko, eta LGEek beren errazte gaitasunak indartu dituzte.
Lanaren Zentzua
Lanaren Zentzua enpresei lanaren zentzuari eta horrek funtsezko alderdietan -besteak beste, pertsonen konpromisoan, talentua erakartzean eta fidelizatzean, edo absentismoa murriztean- duen eraginari buruz hausnartzen laguntzeko ekimena da. Programaren barne, tartean dauden eragileen gaitasunak sortzeko prozesuak eta enpresetan hausnarketa egiteko saioak daude.
Lan-ildo instituzionalizatua
2025etik, lanaren zentzua Gipuzkoako Foru Aldundiaren Eskualdeak programaren barruan erakundetutako lan ildoetako bat da.
13 agente
Eskualdeko 10 garapen agentziatako ordezkariek, ASLE-Euskadiko Lan Sozietateen Elkarteak, Gipuzkoako Merkataritza Ganberak eta Tknikak enpresekin lan egiteko gaitasunak garatu dituzte, lanaren zentzua hobetzeko, erronka garrantzitsuei erantzun nahian, esate baterako, talentuaren fidelizazioa edo laneko absentismoa.
+77 enpresa
77 enpresa baino gehiagotara iritsi dira “Lanaren Zentzua” prozesuaren onurak
Lanaren zentzua: "Pertsonen ongizateak eta enpresaren ongizateak elkar kondizionatzen dute"
BeTEKek egitasmoaren helburua da enpresa txiki eta ertainetan berrikuntza teknologikoa bultzatzea, berrikuntzako ekosistemako eragileen sare baten elkarlanaren bidez: BRTA, zentro teknologikoak, Tknika eta Lanbide Heziketako ikastetxeak, Innobasque, Gipuzkoako Foru Aldundia, tokiko garapen agentziak eta Orkestra.
Gure ekarpena metodologiaren diseinua eta programa pilotuaren esperimentazio errealetik eratorritako ikaskuntza eta hausnarketa espazio bat sortzea izan da.
19 enpresa txiki eta ertainak
2024 eta 2026 urteen artean, 19 enpresa txiki eta ertainek hartu dute parte programan, eta berrikuntza teknologikoko ibilbide pertsonalizatuak egin dituzte, lehiakortasuna hobetzeko.
6 proiektu abian
Gutxienez 13 enpresak planifikatu dituzte berrikuntza teknologikoko proiektuak, eta gutxienez 6k hasi dituzte edo ari dira garatzen proiektu zehatzak.
Lehen pilotuan, ekimenean parte hartu zuten 8 enpresak beren esperientzia aurkeztu zuten
Barnekintzailetza enpresetan barne ekintzailetza sustatzera bideratutako ekimena da, ikaskuntza kolektiboan eta esperimentazio praktikoan oinarritutako metodologia partekatu baten bidez. Eskualdeko garapenerako hamar agentzia baino gehiago eta berrikuntza eta ekintzailetza ekosistemako hainbat eragile (Tknika, Gipuzkoako Ganbera, ASLE, AFM Cluster, Saiolan, SPRI eta BIC Gipuzkoa) elkarlanean aritu dira ekimen hori lurraldean sustatzeko gobernantza prozesu batean.
Orkestran jakintza elkarrekin sortzeko eta koordinatzeko tailerretan parte hartu dugu, programaren ikuspegia diseinatzeko eta baliozkotzeko eta eragileen arteko elkarlana indartzeko.
Gaitasunak indartzea
Prozesuak, halaber, garapen agentziek eta ekosistemako eragileek enpresen barne ekintzailetzako prozesuetan bidelagun izateko behar dituzten gaitasunak indartzen lagundu du.
15 enpresa
Lurraldeko bitarteko eragileek gutxienez 15 enpresarekin lan egitea aurreikusten dute, enpresen barne ekintzailetzako ekimenak identifikatzen eta garatzen laguntzeko.
44
Klikatu gure kolaborazio berriei buruzko informazio gehiago ikusteko
