2026
Ane Izulain (Coord.), Mari Jose Aranguren, Ainhoa Arrona, Miren Estensoro y James R. Wilson
https://doi.org/10.18543/IOBV7259
Cuadernos Orkestra
Laburpena
Tokiko eta eskualdeko gobernu askok demokrazia indartzeko, komunitatea kohesionatzeko eta politika publikoen eraginkortasuna hobetzeko bidetzat hartu dute lankidetzazko gobernantza. 2025ean, Eusko Jaurlaritzak, gaian espezializatutako lurraldeko eragileekin batera, lankidetzazko gobernantzarako bere hurbilketa definitu zuen, hiru logika osagarritatik abiatuta: demokrazian sakontzea, komunitatea indartzea eta ongizatea helburu duen lehiakortasuna indartzea.
Koaderno honek azken logika hori du ardatz, lankidetzazko gobernantza ulertzea ongizate inklusibo eta jasangarria helburu duen lehiakortasuna bultzatzeko faktore kritiko bezala. Horretarako, Orkestraren ongizatea helburu duen lehiakortasun esparrua (2021) hartu da erreferentziatzat, eta literatura akademikoa berrikusiz eta Euskal Autonomia Erkidegoan tokiko, lurralde historikoko eta eskualdeko hiru mailetan garatu diren hiru kasu aztertuz (Zerbitzu aurreratuak Bilbon, 4.0 Industria Gipuzkoan, eta Kluster Politika Euskadin), proposamen bat eraiki da.
Koadernoak esparru kontzeptual bat proposatzen du, gida metodologiko batekin batera. Gida horrek funtsezko lau hausnarketa planteatzen ditu: lankidetzazko gobernantzaren zergatia ongizatea helburu duen lehiakortasunean, prozesuen bidez lortu nahi den helburua edo zertarakoa, bideragarritasuna, eta izan ditzakeen hiru eraginak (ekonomia eta enpresa emaitzetan edo palanka dinamikoetan, erakunde gaitasunean, eta prozesuaren eta gizarte kapitalaren emaitzetan).
