Zuzendari nagusia
James Wilson Orkestra-Lehiakortasunerako Euskal Institutuko zuzendari nagusia da eta Deusto Business Schooleko irakaslea.
2007an hasi zen Orkestran lanean, eta 2018-2025 bitartean ikerketa-zuzendaria izan zen. 20 urtetik gorako esperientzia du lehiakortasunaren eta lurralde-garapenaren arloko ikerketan. Karrera akademikoa Erresuma Batuan hasi zuen, bertan eskuratu zuen Ekonomiako gradua, Warwickeko Unibertsitatean. Ekonomia masterra du Lurmutur Hiriko Unibertsitatean, eta Birminghameko Unibertsitateko doktorea da.
Bere ikerrildo nagusiak eskualdeko lehiakortasunaren analisia, gizarte eta ekonomiako garapen prozesuak eta politika publikoak dira. Bereziki lurralde estrategiei, gobernantzari, kluster politikari, politiken ebaluazioari eta unibertsitateek gizartean duten zereginari lotutako gaiak lantzen ditu. 60 lan baino gehiago argitaratu ditu eragin handiko aldizkarietan eta liburu akademikoetan.
Gainera, Europako hainbat proiektutan parte hartu du, batez ere klusterren eta espezializazio adimenduneko estrategien esparruetan. James Europako Batzordeak, Garapenerako Banku Interamerikarrak eta zenbait gobernu eta unibertsitatek gonbidatu dute aholkulari/aditu izatera. Gaur egun, TCI Networkeko kontseiluko kidea eta idazkaria da.
Wilsonek euskal testuingurua ondo ezagutzen du, hainbat proiektu zuzendu baititu lurraldeko erakundeentzat. Ildo horretatik, urtero koordinatzen du Euskal Autonomia Erkidegoko Lehiakortasunari buruzko Txostena.
