Enpresa lab-a

Enpresa, gakoa lurraldearen lehiakortasunean aurrera egiteko

#EnpresaEuskadi

Zer ikertzen dugu?

Enpresak eta ekimen ekintzaileak dira lurralde lehiakortasunaren oinarriak. Enpresen estrategiak eta portaerak ingurunearekin elkar eraginean aritzen dira, produktibitatean, berrikuntzan eta enplegu sorkuntzan lortzen diren emaitzak eta, azken batean, lurraldeari egingo diten ekarpen ekonomikoa eta soziala, baldintzatuz. Ildo horretatik, enpresek bermatzen dute lurraldean bizi diren pertsonen ongizatea.

Enpresa laborategiak enpresa estrategiak eta portaerak aztertzen ditu, tamaina eta ezaugarri askotako enpresek, lehiakortasunari lotuta, aurrean dituzten erronkak ulertzeko eta erantzuteko. Enpresekin eta sistemako beste eragile batzuekin batera lan egiten da, erronka horiek aztertzeko eta erantzunak hobetzeko.

Enpresaren barneko arlo estrategikoei lotutako gai zehatzak lantzen dira, esate baterako, berrikuntza, nazioartekotzea, finantzaketa eta gaitasunak edo skills. Laborategiko ikerketek lankidetza estrategiak ere hartzen dituzte barne, banakako enpresak baino urrunago begiratuz. Adibidez, enpresa kluster dinamiketan txertatzea, balio partekatuko estrategiak garatzea –enpresak lurraldearekin duen konpromisoaren erakusle–, edo lankidetzako estrategiak eraikitzea ekonomia zirkularra edo berrikuntza irekia sustatzeko.

Laborategi honetan egiten den ikerketa eraldatzailea da. Horregatik, laborategiak nazioko eta nazioarteko beste zentro eta unibertsitate batzuetako ikertzaileekin elkarlanean eta etengabeko elkarrizketan egiten du lan, lurraldeko beste eragile gako batzuekin batera. Eragile horiek enpresak, administrazio publikoko hainbat mailatako policy makerrak, kluster elkarteak, unibertsitateak, zentro teknologikoak, garapen agentziak, lanbide heziketako zentroak eta, oro har, gizarte eragileak dira.

Ikerketa-jarduera eta proiektuak

Ekonomia eta finantza behatokia

+ Info
CRECER+

+ Info
BBK balio partekatua

+ Info

Aurreko proiektuak

Etorkizuna Eraikiz

+ Info
Belaunaldi
Zerbitzutze eta ekonomia zirkularreko estrategiak
Araba errotuz
Lanbide heziketa eta espezializazio adimenduneko estrategiak Espainiako eskualdeetan
Hidden champions