Artium Museoa (Vitoria-Gasteiz)
Inklusioa, lehiakortasunaren eta ongizatearen motorra
Euskal Autonomia Erkidegoko Lehiakortasunari buruzko 2024ko Txostenak inklusioak lurralde garapenerako eta ongizaterako funtsezko ardatz gisa duen garrantzia du aztergai. Aldaketa demografikoak eta sozialak nagusi diren garai hauetan, txostenak azaltzen du askotariko kolektiboek parte hartzeak nola lagundu dezakeen gure lurraldearen lehiakortasuna indartzen eta, besteak beste, talentuaren eskasiaren edo belaunaldi aldaketaren erronkei aurre egiten.
Azterketak dimentsio askotatik lantzen du inklusioa, eta agerian uzten du generoak, adinak edo pertsonen jatorriak nolako eragina duten pertsonen ongizatean eta lehiakortasuna eraikitzeko prozesuan parte hartzeko ematen zaizkien aukeretan.
Adierazle eta datu eguneratuak erabiliz, txostenak Euskal Autonomia Erkidegoko lehiakortasunaren eta ongizatearen gaur egungo egoeraren diagnostiko zehatza eskaintzen du, eta lurraldeko giza eta gizarte kapitala ahalik eta gehien aprobetxatzeko gomendioak ere ematen ditu.
Txostena Lehiakortasunari buruzko Biltzarrean aurkeztuko da, azaroaren 20an, 16:00etan, Gasteizko Artium Museoan. Ekitaldian, honako galdera hauei erantzuten saiatuko gara:
- Nola eragiten die hainbat kolektiboren inklusioak Euskal Autonomia Erkidegoko lehiakortasunari eta ongizateari?
- Zer erronka eta aukera eskaintzen dizkigu Euskal Autonomia Erkidegoaren bilakaera demografikoak?
- Nola kudea dezakete erakundeek eta enpresek aniztasuna beren berrikuntza eta produktibitatea hobetzeko?
Programa
16:00 • Ongietorria: Iván Martén, Orkestrako presidentea.
16:10 • Euskal Autonomia Erkidegoko Lehiakortasunari buruzko 2024ko Txostenaren aurkezpena.
16:45 • Mahai ingurua: Aniztasuna kudeatzearen aukerak enpresen eta politiken ikuspegitik. Parte hartzaileak:
- Beatriz Gonzalez, Betsaideko zuzendari nagusia eta ASLE-ko presidentea
- Cristina Oyón, SPRI Taldeko Teknologia, Berrikuntza eta Jasangarritasuneko zuzendaria
- Julia Shershneva, Ikuspegiko zuzendaria
- Iratxe Uriarte, Euskadiko Gazteriaren Kontseiluko zuzendaria
- Mercedes Oleaga, Orkestrako teknikari seniorra (moderatzailea)
17:15 • Ondorioak
Lehiakortasunari buruzko Biltzarra 2024
Plaza Gela, Artium Museoa (Vitoria-Gasteiz)
Ekitaldi jasangarria ingurumenerako
Erronka Garbia Eusko Jaurlaritzako Ihobe sozietate publikoaren bidez abiatutako ziurtagiri bat da, ingurumen-neurriak diseinu eta antolaketaren alorrean integratzen dituzten ekitaldiak aitortzen dituena. Asmoa da saritzea ekitaldiaren eraginez ingurumenaren gainean sor daitezkeen inpaktu negatiboak minimizatzeko ekimenak. Proiektu honen helburua da ekitaldietako publikoa eta antolatzaileak kontzientziatzea.
Ingurumenarekin dugun konpromisoa dela eta, Erronka Garbia metodologia erabili dugu ekitaldi hau antolatzeko, ingurumen-inpaktua ahalik eta gehien murrizteko. Lagundu iezaguzu inpaktu hori gutxitzen, konferentziara garraio publikoan joanez edo autoa partekatuz.
Bloga
#Beyondcompetitiveness
Oraindik ez al duzu gure bloga ezagutzen? Gure adituen postak aurkituko dituzu bertan, energiaren, gobernantzaren, politika publikoen eta askoz ere gai gehiagoren inguruan.
