Jorge Fernández Orkestrako energia arloko ikertzaile seniorra eta koordinatzailea da, 2018ko martxoaz geroztik. Ekonomian doktorea Georgetowngo Unibertsitatean (Washington DC), esperientzia profesional zabala du energia sektorean. Esparru hauetako jakintza du: ekonomia, energia merkatuen diseinua eta arauketa (elektrizitatea eta gas naturala), energia merkatuetan trading-a eta arriskuen kudeaketa, aktibo fisikoen eta finantza aktiboen balorazioa, energiaren prezioen eta eskariaren modelizazioa, mikroekonomia aplikatua eta mikroekonometria, eta gas naturalaren handizkako merkatuak eta hubak.
Orkestrara iritsi aurretik, Jorge MIBGASeko azterketa zuzendaria izan da, estrategia, arauketa eta merkatu analisiaren esparruan; baita Iberian Gas Hubeko zuzendari teknikoa ere, Iberiar Penintsulan gasaren hubaren garapenean eta ezarpenean lan egin zuen eta konpainiaren bitartekotza zerbitzuak zuzendu zituen. Intermoney Energiako zuzendari nagusiaren ondokoa izan zen eta azken ardura horretan, energia merkatuaren arauketa eta funtzionamendua aztertzen espezializatutako aholkulari taldea gidatu zuen, eta hainbat proiektu zuzendu zituen, energia merkatuetako trading-arekin eta arriskuen kudeaketarekin eta elektrizitate merkatuen arauketa eta diseinuarekin lotuta. Energía y Sociedad proiektua ere zuzendu zuen. NERA Economic Consulting enpresan, aholkulari lanetan aritu zen, elektrizitate sektoreko jarduera arautuen analisiari eta elektrizitate merkatuen funtzionamenduari lotutako proiektuetan.
Jorgek hainbat artikulu argitaratu ditu aldizkari espezializatuetan, baita liburuak ere, energia merkatuen funtzionamenduarekin eta arauketarekin lotutako gaien inguruan. Gainera, hizlari aritu da energia sektorearen inguruko ikastaro, hitzaldi eta jardunaldi espezializatu askotan.
