Erresilientzia pandemiaren aurretik, bitartean eta ondoren

Informe Competitividad País Vasco

COVID-19ak aurrekaririk gabeko egoera eragin du mundu mailan, osasun krisia ez ezik, mende honetako krisi sozioekonomiko eta humanitario handienetakoa izaten ari baita.

Eragina globala izanik ere, lurralde bakoitzeko ondorioak heterogeneoak dira. Eta hori oso kontuan hartu behar da krisia kudeatzeko eta erantzun politikoak emateko orduan.

COVID-19aren pandemiaren eraginak lehendik ere abian ziren trantsizioak bizkortu egingo ditu: ekonomia berdeago eta digitalago baterantz goaz eta arreta handiagoa eskainiko diegu oinarri soziosanitarioei.

Hainbeste sektore, balio kate eta enpresari eragiten dion krisiaren aurrean, irtenbideak konplexutasun hori kontuan hartuta kudeatu beharko dira. Horrek esan nahi du irtenbideek, banakako erreakzioen batura hutsa baino gehiago, estrategia sistemiko bat behar dutela. Hain zuzen ere, estrategia horretan berebiziko garrantzia izango dute jardueren koordinazioak eta elkarren arteko sinergiak, Euskal Autonomia Erkidegoko eragile guztientzat nahi den emaitza lortzeko.

Testuinguru horretan prestatu dugu Euskal Autonomia Erkidegoko Lehiakortasunari buruzko 2020ko Txostena, COVID-19aren krisiaren aurrean suspertze edo lagun egite politikak orientatzen laguntzeko.

Euskal Autonomia Erkidegoko Lehiakortasunari buruzko 2020ko Txostenak hiru galderari erantzuten die:

  1. Atzera begiratzen du, COVID-19aren aurretik Euskal Autonomia Erkidegoko lehiakortasunaren egoera zein zen aztertzeko, Orkestraren lehiakortasun esparrua erabiliz, galdera honi erantzuteko: Zein egoeratan egiten diegu aurre pandemiari lotutako erronkei?
  2. Orainari eta etorkizunari begiratzen die, euskal ekonomiaren zaurgarritasuna aztertuta, galdera honi erantzuteko: Nola eragin digu eta nola eragingo digu pandemiak?
  3. Kanpora begiratzen du, gure lehiakideak eta kolaboratzaileak beste eskualde batzuetan zer egiten ari diren ulertzeko, galdera honi erantzuteko: Zer ikas dezakegu elkarrengandik erreferentziazko beste eskualde batzuekin, bai epe motzera, egoerari aurre egiteko, eta bai epe ertain-luzera, berreraikitzeko?

Euskal Autonomia Erkidegoko Lehiakortasunari buruzko 2020ko Txostenak berehalako ondorio negatiboen inguruko erabakiak hartzeko tresna baliagarria izan nahi du, baita definituko diren suspertze agendetan txertatzeko aukeren katalizatzaile bat ere.

COVID-19aren krisiak aukera paregabea eskaintzen digu, lurralde gisa dugun estrategia indartuz eta berrikusiz, aztertzeko zein aldaketa behar dituen gure eredu ekonomikoak krisiaren irteerari arrakastaz aurre egiteko ez ezik, baita gure lehiakortasun eredua berritzeko ere, epe luzera sendotasun ekonomikoa ziurtatu eta, horrela, Euskal Autonomia Erkidegoko herritarren gizarte ongizatea bermatzeko. Ez da nahikoa krisiaren aurreko enplegu eta ongizate mailak berreskuratzea; aitzitik, gaur egungo eta etorkizuneko inguruneko aldaketen aurrean eredu sendo bat definitu behar dugu, epe ertain eta luzera iraunkorra izango dena.

 

4 analisi sakonek elikatzen dute Euskal Autonomia Erkidegoko Lehiakortasunari buruzko 2020ko Txostena

1

Apirila

Los impactos socioeconómicos del COVID-19 en la comunidad autónoma del País Vasco

Descargar (ES)
Download (EN)

2

Iraila

COVID-19aren krisiak euskal enpresetan izan dezakeen eraginaren eta susperraldiaren sektore analisia

Jaitsi (EU)
Descargar (ES)

3

Iraila

Digitalizazioa, COVID-19ari erantzuteko

(Laburpen exekutiboa)

Jaitsi (EU)
Descargar (ES)
Download (EN)

4

Laister

Europako eskualdeak COVID-19aren aurrean: neurri politikoen ikuspegi alderatua

Laster egongo da eskuragarri

 

Newsletter

Egin harpidetza hamabostean behingo buletinean

Jarraitu gure lantalde adituak krisiaren gizarte eta ekonomia eraginen inguruan egin dituen analisiak eta gogoetak.

Izena eman

ERREGIO LEHIAKORTASUNAREN BEHATOKIA

Beharokia ikusi