Itziar García

Ikertzailea 

Itziarrek datuen analisian duen esperientzia eta enpresa-ingurunearen ezagutza uztartzen ditu, erabaki estrategikoak hartzen laguntzeko eta erakundeen zein lurraldeen eraldaketa bultzatzeko ebidentzian oinarritutako ezagutza sortuz.

Bere lana enpleguaren eta gaitasunen (skills) analisian oinarritzen da. Bereziki, Lanbide Heziketan, trantsizio berdean eta ZTIM (Zientzia, Teknologia, Ingeniaritza eta Matematika) eta sektore berdeekin lotutako prestakuntza-ibilbideetan eta lanbideetan dauden genero-arrakalen azterketan. Horretarako, ikuspegi kuantitatiboak eta analisi-metodologia aurreratuak erabiltzen ditu, besteak beste, adierazle konposatuen garapena eta aplikazioa. Esparru horretan duen espezializazioa indartu du JRC Week on Composite Indicators and Scoreboards programan parte hartuz.

Ibilbidea

• Bere ibilbide akademikoa Mondragon Unibertsitatean hasi zuen, Informatika Ingeniaritzako gradua lortuz.
• Bachelor of Engineering (Honours) in Software Engineering titulua eskuratu zuen Athlone Institute of Technology-n (Irlanda).
• Hezkuntza Berrikuntza eta Esku-hartzea doktoretza egin zuen Mondragon Unibertsitatean, gaitasun digitalen eta sortzen ari diren teknologien irakaskuntza-ikaskuntza prozesuetan duten eraginaren inguruan ikertuz. 
• Datuen eta analitikaren arloko prestakuntza du, besteak beste, Business Intelligence and Big Data Analytics unibertsitate-masterra (Universitat Oberta de Catalunya), eta koordinazio- eta kudeaketa-gaitasunak sendotu ditu Project Management (PMP) etengabeko prestakuntzako masterra eginez.
• Lan-esparruan, prozesuen hobekuntzara bideratutako datuen analisian eta irtenbide teknologikoen ezarpenean aritu da.

+ Emaila bidali