Stephania Orkestrako Energia eta Ingurumeneko Laborategiko ikertzailea da, 2022ko azaroaz geroztik. Ekonomian lizentziaduna da, Ekonomia Aplikatuko masterra du eta Ingeniaritzan doktorea da (Industria Ingeniaritzako aipamena), Kolonbiako Universidad del Valle erakundean.
Energia merkatuak ditu aztergai nagusi, bereziki elektrizitatearen eta gas naturalaren prezioen egitura, merkatuetako arriskuen neurketa eta kudeaketa eta klima aldagaien eragina.
Orkestran hasi aurretik, EAFIT Unibertsitateko Finantza Saileko eta Universidad del Valleko Ekonomia Fakultateko irakasle izan zen, Kolonbian. Doktorego ikasketetako egonaldia EPFLko Energy Centerren egin zuen (Suitzan) eta 2019an EEX Group Excellence Award saria eskuratu zuen, “Driver of Electricity Price Dynamics: A Comparative Analysis of Spot and Futures Markets” artikuluarengatik. Universidad del Valleko ikerketen emaitzak transferitzeko arloan ere lan egin zuen, ikertzaileak eta industria hurbiltzeko.
Stephaniak energian espezializatutako aldizkarietan argitaratu ditu bere lanak, beste batzuen artean, Energy Economics, Energy Policy, Energy, Applied Energy aldizkarietan. Bartzelonako Unibertsitateko, UOC-Universitat Oberta Catalunyako, EAFIT Unibertsitateko eta Universidad del Valleko ikertzaileekin egiten du lan.
Informazio gehiago: https://sites.google.com/view/stephania-mosquera
