Edurne Magro Orkestra-Lehiakortasunerako Euskal Institutuko ikertzailea da. Enpresen Lehiakortasunean eta Garapen Ekonomikoan doktorea da, Deustuko Unibertsitatean, europar aipamenarekin. Horretarako, egonaldia egin zuen Manchesterreko Unibertsitateko Manchester Institute of Innovation Research institutuan, Erresuma Batuan. Enpresen Administrazio eta Zuzendaritzan lizentziaduna da eta Berrikuntzaren eta Teknologiaren Kudeaketako Masterra egin du, Deustuko Unibertsitatean.

Edurnek lan ibilbide luzea du ikerketan. Tecnalia Korporazio Teknologikoan hasi zen lanean. 10 urteko esperientzian, lehiakortasunari eta berrikuntzari buruzko Europako proiektuetan (ESPON, Framework Programme), Espainiakoetan eta eskualdekoetan parte hartu du eta proiektu horiek koordinatu ditu. Azken urteetan, lurralde estrategian eta smart specialization strategies esparruan, eskualdeko berrikuntza sistemetan eta eskualdeko berrikuntza politiketan eta haien ebaluazioan lan egin du, policy learning ikuspegiari jarraituz. Esparru horietan, nazioko eta nazioarteko biltzarrak antolatzen parte hartu du. Graduondokoetan irakasle da, horien artean, Lehiakortasunari eta Berrikuntzari buruzko Unibertsitate Masterrean, Deustuko Unibertsitatean. Edurnek hainbat ekarpen zientifiko egin ditu liburuetan eta eragin handiko artikulu akademikoetan. Horietako zenbait argitaratu dira Research Policy, Science and Public Policy, European Journal of Innovation Management edo Review of Policy Research aldizkarietan.