2016ko urtarrilaren 22a
Orkestrak prestakuntza saio bat eskaini du gaur, Garapen-Eskualdeko Garapen Agentzien Elkarteak antolatuta, fabrikazio aurreratuari buruz.
Mikel Navarro Orkestrako ikertzaile eta Deustuko Unibertsitateko Ekonomia katedradunak eman dio hasiera saioari, eta 4.0 industria terminoaren esanahia eta industriaren garapenean dituen ondorioak azaldu ditu. Haren ondoan izan dira Xabier Sabalza, DeustoTech-ekoa, 4.0 industriak EAEn duen errealitateari buruzko azalpenak eman dituena; Patxi Samaniego, Etxe-tarreko berrikuntza zuzendaria, enpresan ekoizpen prozesuaren baitan teknologia berriak aplikatzerakoan izan duten esperientzia aurkeztu duena; eta Cristina Oyon SPRI-Enpresa Garapenerako Euskal Agentziaren ekimen estrategikoen arduraduna, Eusko Jaurlaritzaren ikuspegia ekarri duena.
Saioan eskualde garapeneko agentzietako eta zentro teknologikoetako 60 teknikari eta profesional baino gehiagok hartu dute parte. Jardunaldiaren helburua zen 4.0 Industria terminoan sakontzea eta Euskal Autonomia Erkidegoen duen garapena jakitea, Eusko Jaurlaritzak esparru horretan egin duen apustua ezagutzea, eta garapen agentziek eskualdeetako industrietan fabrikazio aurreratuko sistemak ezartzerakoan izan dezaketen egitekoaren eta jarduteko esparruaren inguruko gogoeta egitea.
