• X
  • Linkedin
  • Youtube
  • Slideshare

Orkestrak Smart Grids-en bilakaeraren inguruko lana aurkeztu du

2015eko ekainaren 3a.

global innovation day smart grid unai castro

Unai Castrok joan den ekainaren 3an Global Innovation Dayn aurkeztu zuen Energia Katedraren baitan egindako lana, elektrizitatearen etorkizuneko banaketa sareen (Smart Grids) bilakaeraren inguruan. Jardunaldia Innobasquek antolatu zuen (#Global2015).

Aurkezpena Energiari eta Smart Gridsei (elektrizitatearen etorkizuneko banaketa sareak) buruzko hitzaldi zikloan egin zen.  Europan elektrizitate sare adimendunen etorkizuneko joerak hurbiltzea zuen helburu panelak, proiektu berrietarako aukerak identifikatzera iristeko. Tokian tokiko elektrizitate sare adimendunen garapen esperientziak ere partekatu ahal izan ziren, baita nazioartean lehiatzeko itun eta lankidetzen inguruko esperientziak ere.

Ildo horretatik, Unai Castrok elektrizitate sektorean sare mota horietarako aldaketa bultzatzen duten lehiakortasun faktoreak azaldu zituen  eta, horrekin batera, bide horretan sortzen ari diren erronkak eta aukerak. Horiei esker, negozio eredu berriak sortzen ari dira eta berrikuntzak garatzen, maila globalean. (Jaitsi aurkezpena).

Unai Castrok bereziki azpimarratu zuen "herrialde batzuetan negozio eredua aldatzen hasia dela, elektrizitatearen hornikuntzaren balio katean, bezeroa erdian jarriko duen eredurantz". Adierazi zuen Smart Gridsak garatzeak zereginak sorkuntzak banatura eta azken erabiltzaileengana hurbilduko dituela. Azpimarratu zuen, halaber, "sektoreko eragileek (enpresa teknologikoek eta utilitiek) badituztela behar diren gaitasunak, baina arauketan dagoen ziurtasun ezak eta finantzaketa eskuratzeko zailtasunak zaildu egiten dutela gaitasun horiek garatzea".
 
Unai Castrorekin batera, hizlari aritu ziren: Miguel Ángel Sánchez-Fornié, Iberdrolako Kontrol Sistemen eta Telekomunikazioen zuzendaria; Javier Larrieta, Ormazabal Taldeko Teknologia Zentroko zuzendari gerentea;  Txaber Lezamiz, Energiaren Euskal Erakundeko teknologia garapeneko arduraduna; Eduardo Navarro, Iberdrolakoa, Bilbon eta Portugaleten sare adimenduna zabaltzeko eta garatzeko arduraduna, Bidelek Sareaken bidez; eta Estibalitz Aramburu, Jema Energy enpresakoa.
Mahaiaren moderatzaile José Luis Aguiriano izan zen, Oceantec Energías Marinaseko zuzendari gerentea.
Ikusi ekitaldiko bideoa hemen:

 

Etiketa: Energia eta ingurumeneko lab-a

Eguneratuta egon

Eman izena Orkestraren buletinetan, Euskadiko lehiakortasunari buruzko informazio zehatza jasotzeko.

Izena eman

Babesleak