Malida Mooken

Ikertzailea

Malidaren lana lurralde-garapena sustatzea da, lankidetza-ekintzara bideratutako prozesuen bitartez. Bere ikerketa-lerro nagusiak ekonomia politikoari, gobernantzari, demokraziari eta justizia epistemikoari lotuta daude.

15 urtetik gorako esperientzia du ekintza-ikerketa prozesuen diseinuan eta gidaritzan, eta funtsezko papera betetzen du hainbat lurralde-eragileren arteko lankidetza estrategikoa errazteko orduan. Bere proiektuen ardatz nagusia profesionalen, arduradun politikoen eta akademikoen arteko zubiak, ikaskuntzak eta nazioarteko esperientziak eraikitzea da, betiere ezagutza sakontzera eta ekintza zehatzak eragitera bideratuta. Kontextu honetan, bereziki aztertzen ditu unibertsitateek eta ikertzaileek prozesu hauetan dituzten rolak eta erantzukizun sozialak. Gainera, herritarrak lurralde-garapenari lotutako gai sozioekonomikoetan inplikatzeko sormen-espazioak garatu ditu, elkarrizketa inklusibo eta multikulturalak sustatuz.

Nazioarteko hainbat txosten eta artikulu argitaratu ditu lurralde-garapenaren, ezagutzaren antolaketaren eta ikerketa-ekintzaren inguruan. Gaur egun, International Journal of Action Research (IJAR) aldizkariko argitalpen-batzordeko kide da, eta aktiboki parte hartzen du nazioarteko ikerketa-komunitateetan, hala nola Zubigintzan, Action Research Plus-en eta Qualitative Research Lab - Global Southen.

Ibilbidea

Orkestran sartu aurretik, Malidak hamarkada bat inguru eman zuen Britainiar Kolonbiako Unibertsitatean (2015 – 2024), ikertzaile, irakasle eta Management masterreko zuzendari gisa.
Prestakuntza akademikoari dagokionez, Management and Finance lizentziaduna da Maurizioko Unibertsitatean, Economic Competitiveness & International Business masterra egin zuen Birminghameko Unibertsitatean eta Sozio-Kudeaketan (Socio-Management).
Doktorea da Stirlingeko Unibertsitatean.