Nagorek Kazetaritzako lizentziatura ikasi zuen Euskal Herriko Unibertsitatean. Marketin Digitaleko, Komunikazioko eta Gizarte Sareetako Masterra egin zuen Madrilgo Camilo José Cela Unibertsitatean eta Zientziaren Komunikazioari buruzko Unibertsitate Aditu titulua eskuratu zuen Nafarroako Unibertsitate Publikoan.
Bere lan ibilbidea EITBko edukien erredakzioan hasi zuen, eta denbora labur batez Italian marketineko laguntzaile aritu ondoren, agentzia batean lan egin zuen hainbat urtez, euskal enpresa batzuen komunikazioa eta presentzia digitala kudeatzen. 2018An, Matematika Aplikatuko Euskal Zentroan-BCAM hasi zen lanean, komunikazio arduradun. Erakundearen zeregin zientifikoaren zabalkundeaz arduratu zen, baita hedabideekiko harremanaz, ekitaldiak antolatzeaz eta material korporatiboak prestatzeaz ere.
Gaur egun, Orkestrako Komunikazio arloan lan egiten du eta Institutuaren komunikazio ekintzak koordinatzeaz arduratzen da.
