2024
Macarena Larrea Basterra, Stephanía Mosquera López
https://doi.org/10.18543/GQTG1145
Lehiakortasunerako Euskal Institutua - Deusto Fundazioa
Laburpena
Mundu mailan deskarbonizazioaren konpromisoa betetzeak teknologia garbietan inbertitzea eskatzen du, modu globalean. Horretarako, finantzaketa bolumen handiak behar dira, baina ingurunea konplexua da eta, gainera, zalantza teknologiko handiak daude eta baliabideak ez dira modu homogeneoan banatzen mundu osoan zehar. Egoera horren aurrean, teknologia garbietan inbertitzeko pizgarriek, behar bezala diseinatzen badira, inbertsio pribatua bultza dezakete ingurumen helburuak lortzeko. Txosten honek teknologia garbietan inbertitzeko funts beharrak, ingurumen jasangarritasunerantz aurrera egiteko gaur egun finantzaketan dagoen arrakala eta inbertsiorako pizgarria terminoaren kontzeptualizazioa lantzen ditu. Pizgarriak sei kategoria handitan sailkatzea proposatzen da: ekonomikoak, finantzarioak, fiskalak, merkatukoak, erregulazioak eta jakintza eta lankidetzakoak. Ondoren, hainbat herrialdetan (Ameriketako Estatu Batuak, Europar Batasuna, Txina, Kanada, India eta Erresuma Batua) nola ezartzen ari diren deskribatzen da. Azkenik, azterketaren ondorioak adierazi eta teknologia garbietan inbertitzeko pizgarriak diseinatu, ezarri, kontrolatu eta eragina ebaluatzeko kontuan hartzeko elementuen eta dimentsioen inguruko hausnarketa proposatzen da.
