2023
Ane Izulain Alejos, Mari Jose Aranguren Querejeta, James Wilson
https://doi.org/10.18543/VPHK2930
Lehiakortasunerako Euskal Institutua - Deusto Fundazioa.
Laburpena
Gobernuak gero eta gehiago interpelatuta daude etorkizunaren aurrean ikuspegi proaktiboa hartzeko. Prospektiba joera potentzialak edo epe luzeko agertokiak aurreikusten ez ezik, etorkizun desiratua edo hobea adosten eta orainetik eraikitzeko ekintzak zehazten dituen zientzia izatera igaro da.
Euskal Autonomia Erkidegoak prospektiba estrategikoko ariketa kolektibo bat egin du, eta, bertan, lurraldearentzako Bisio partekatu bat definitu du 2040. urtean. Gainera, etorkizuneko agertokia lortzeko zer lehiakortasun-erronkatan eragin behar den identifikatu da. Txostenak, 2040ko Euskadi Ikuskeraren eta Erronken emaitzez gain, hura eraikitzeko egindako eragile anitzeko eta maila anitzeko lankidetza-prozesua aurkezten du, abiapuntuko diagnostikoarekin batera. Azkenik, prozesuaren inguruko ikasketa garrantzitsuenak azaltzen dira.
