2023
Stephanía Mosquera López, Jorge Fernández Gómez
https://doi.org/10.18543/ESLG9770
Instituto Vasco de Competitividad-Fundación Deusto
Laburpena
Ekonomiaren deskarbonizazioan aurrera egiteak energia berriztagarrien instalazio ugari eraikitzea ekarriko du datozen urteetan. Proiektu berriztagarriek onura sozioekonomiko eta ingurumeneko nabarmenak dituzten arren, azpiegiturak hedatzea zaila da, proiektuak kokatzen diren ingurune geografikoetako herritarrak aurka daudelako. Azterlan honetan, tokiko inguruneetan energia berriztagarrien proiektuak onartzean eragiten duten faktoreak aztertzen dira, herritarrak horrelako proiektuen kontra azaltzearen arrazoiak, eta proiektu horiek hedatzen lagundu dezaketen politikak, baldin eta proiektuak ikuspuntu ekonomikotik eta teknikotik bideragarriak badira. Literatura akademikoa aztertuz eta tokiko inguruneetan energia berriztagarriei lotutako proiektuen gizarte onarpenari buruzko kasuak deskribatuz, herritarrek proiektu horiek onartzeko eta horietan parte hartzeko oztopo eta baldintzatzaile nagusiak identifikatzen dira, oztopoak arintzeko estrategiak garatzea erraztuko duten ondorioak eta ikaskuntzak ateratzeko eta erakunde garatzaileentzako jardunbide egokien eskuliburua egiteko.
