Health and Wealth. Osasuna eta gizarte eta ekonomia garapena, RIS3ren erronka Euskadin

Laburpena: Mintegia EAEn biozientzien eta osasunaren esparruko eragile esanguratsuen topagune izatea nahi dugu: enpresak (biozientzietakoak, dibertsifikatzeko aukeren bila dabiltzan sektore tradizionaletakoak, inbertsiogileak), ikertzaileen komunitatea, eta herri administrazioa. Erronkak partekatu eta biozientzien-osasunaren binomioaren garapenerako bideak lantzea nahi dugu.

Laguntzailea: Eusko Jaurlaritza, Ekonomiaren Garapeneko eta Lehiakortasuneko Saila eta Osasun Saila.

Programa jaitsi

Fabrikazio aurreratua eta 4.0 industria: teknologiaren bilakaera baino gehiago

Fabrikazio aurreratua eta 4.0 industria gero eta entzunagoak dira ekonomia industrializatuetan, arrazoi handiz, ziur aski. Euskal industriako eragileek parte hartuta, mintegiak gai honen oinarriak finkatu nahi ditu. Horretarako, atzean dauden kontzeptuak argituko ditu, kasu errealak erakutsi, eta galderei erantzun: Zer dira fabrikazio aurreratua eta 4.0 industria? Teknologia besterik ez da? Lehiatzeko zein abantaila ekarriko dizkio nire enpresari? Zenbateko irismena du, bilakaera da edo eraldaketa? Erne egon behar dut? Eta Euskadin, zer? Eta nire enpresan, zer?

Laguntzailea: SPRI

Programa jaitsi

International niche market leaders: kasualitatea ala kausalitatea?

Nola sortzen diren eta nola egiten duten aurrera (merkatu aukera antzematea eta aprobetxatzea, lider bihurtzeko bideak, lidergo tokiari eustea, etab.) Aurrera egiteko erronkak (enpresaren tamaina/eskala, gaur egungoa baino urrunago doazen nazioartekotze estrategiak, zorroa dibertsifikatzea, kanpoko talentua erakartzea, hazkundea finantzatzea) EAEko kasu zehatz batzuen bidez, benetako esperientzietatik ikasten ahaleginduko gara, eta enpresentzat eta politiketarako ondorioak ateratzen, euskal enpresek nazioarteko merkatuetan arrakasta handiagoa izan dezaten.

Laguntzailea: Confebask.

Programa jaitsi

Lehiakortasunerako politikak: lurralde aniztasuna kudeatzearen erronka

Nola eragiten diote udalerrien eta eskualdeen arteko aldeek EAEko lehiakortasunari? Zein desberdintasun dauden Arabar Errioxaren, Debagoienaren edo Bilbo Handiaren egoeren artean? Edo Oñati, Karrantza eta Gorlizen artean? Nola kudeatu behar dugu alde horiek dakarten aniztasuna? Saio honetan, lurralde aniztasuna nola kudeatu aztertuko dugu, lehiakortasunerako politikak hobetzeko. Lehiakortasunari buruzko Txosten argitaratu berriko edukietan oinarrituta, eta erronka hori bera duten beste lurralde batzuetako esperientziaz eta ikuspegiaz lagunduta, parte hartzaileengan gogoeta sustatu nahi dugu.

Programa jaitsi

Energia ingurune globalaren eta EAEkoaren egoera eta erronkak ekoizpenaren eraldaketarako

Energia ingurune globalaren eta EAEkoaren egoera eta erronkak aztertu nahi dira. Gainera, energiaren garapena abiapuntu hartuta, EAEn ekoizpenaren dibertsifikazioari lagunduko dioten enpresa eta erakunde baldintzak eta politikak planteatuko dira.

Programa jaitsi