Azterlanak EAEko enpresen sorrera alderatzen du Espainiako beste autonomia erkidego batzuetakoekin eta beste herrialdeekin. Era berean, erkidegoko hiru lurralde historikoen arteko alderapena ere egiten du.

José Luis Curbelok (Orkestrako zuzendaria), M. Davide Parrillik (liburuaren koordinatzailea) eta Mikel Navarrok (Orkestrako ikertzaile seniorra) "Innovación y Aprendizaje: lecciones para el diseño de Políticas" liburua aurkeztu dute "Innobasqueko astearteetako" bileran, Innnobasque berrikuntzako agentzia publikoak gonbidatutakoen aurrean, berrikutnza interpretatzeko bide berrien eta hura neurtzeko adierazle berrien inguruko proiektuaren baitan.

James Wilson (Orkestrako ikertzaile seniorra) hizlari gonbidatua izan zen lurralde lehiakortasuneko proiektuei buruzko bigarren topaketan, Garapenerako Banku Inter-amerikarreko Alde Askotako Inbertsio Funtsak antolatua. Biltzarra Belo Horizonten izan zen, Brasilen. Garapen politiken arloko 100 adituk baino gehiagok “Tokiko Garapen Ekonomikoa: Enpresa Txikien Lehiakortasunerako Ikuspegi Estrategikoa” gaiaren inguruan eztabaidatu zuten. James Wilsonek Orkestrak Euskal Autonomia Erkidegoko kluster politikei buruz egin duen ikerketa aurkeztu zuen. Biltzarrari buruzko informazio gehiago nahi baduzu, egin klik hemen.

Joan den ekainaren 15ean, Mari Jose Aranguren ikertzaile eta Lurraldea, Berrikuntza eta Klusterrak arloko zuzendaria “Networking, Clusters and Local Knowledge Exchange” mintegian hizlari izan zen, Marburgen (Alemania).
 
Mintegi horretan, 80 akademiko, kluster erakundeetako zuzendari eta politiken diseinuaren arduradun lurralde bakoitzean klusterrak eta antzeko bestelako sareak nola lagundu eta antolatu daitezkeen eztabaidatzen aritu ziren eta hainbat aurkezpen entzun ahal izan zituzten.